Skip to main content

HIESALDI MATEMATIKO HANDIA

Elian deitzen naiz eta Durham herrixkan bizi den iratxoa naiz. Nire herria oso berezia da bere kokapenagatik, izan ere, eguzki-lore baten erdialdean aurkitzen da. Dena den, herri honetatik ezin garela atera betidanik entzun izan dut, hemendik irteten saiatu diren hainbat pertsonen istorioak kontatu izan dizkidate. Hala ere, nire nahia herrixka honetatik ateratzea eta mundua ezagutzea da. Azken urteetan, zientzietako arloei buruz informatu naiz, bereziki matematikako hainbat zientzialarien teoriei begirada bat bota diet. Nire ezagutzak herri honetatik alde egiteko erabiltzea erabaki dut eta hona hemen nire abenturaren istorioa:

Eguzki-lore baten egitura ezagutzen duzue? Oso berezia da, izan ere, orduko orratzen norabidean 34 espiral kontatu daitezke eta beste norabidean, aldiz, bakarrik 21. Harrigarria!
Zenbaki hauek oso garrantzitsuak dira Fibonacciren sekuentzia jarraitzen baitute eta honakoa da: 1, 2, 3, 5, 8, 13, 21, 34…. Konturako zineten bezala azken bi zenbakien gehitura hurrengo zenbakia osatzen dute.

Jarraitzeko, urrezko-zenbakia edo phi zer den dakizue? Beno, zenbaki perfektua dela esaten da, bere balioa 1,618 da gutxi gorabehera eta naturako edozein esparrutan aurkitu daiteke.
Honetaz baliatuz eta espiralen kopurua kontuan izanda urrezko angelua lor daiteke. Formula hau kontuan izan behar da: (21/21+34)*360º=137, 5º. Agian galdetzen diozue zuen buruei zertarako balio zait hau jakitzea. Nire abentura gauean hasiko da, inork ikus ez nazan, beraz, espiral bat hartzen dudanean hazi batetik bestera pasatzerakoan desbiderapen txikia egongo dela jakiteko baliagarria zait. Horrela, ez naiz hazien artean eroriko, hori nire amaiera izango baitzen. Baina, zergatik dauzkate loreek egitura hain konplexuak? Angelu hau funtsezkoa da naturan hostoak eta haziak bata bestearen gainean koka ez daitezen eta horrela denek eguzki izpi eta ur kantitate bera izango dute. Gainera, angelu hau berezitasun bat du, irrazionala denez, berdin du zirkunferentziara zenbat buelta ematen duen, inoiz ez da geldituko hasierako posizioan.

Hurrengo egunean…
Azkenean lortu dut eguzki-loretik ateratzea! Kanpoko mundua oso desberdina da, kolorez eta bizitzaz inguratuta nago, orain bizitza berri bat hasiko dut beste herri batean. Hona heltzea ezinezkoa izango zitzaidakeen matematikak erabili izan ez banitu.
  • Hits: 107